राष्ट्रिय समाचार

धनगढी प्रिमियर लिगलाई रुस्लानको साथ

नेपालमा पहिलो पटक क्लबहरूले अक्सन (बढाबढ) बाट खेलाडी लिइएको सगरमाथा सिमेन्ट धनगढी प्रिमियर लिग (डिपिएल)लाई रुस्लान क्रिकेटले एसोसिएसन पार्टनरका रूपमा सहयोग गर्ने भएको छ।

डिपिएल चैत ५ गतेबाट सुदूरपश्चिमको धनगढी सहरमा हुनेछ। प्रतियोगितामा ६ क्लबले प्रतिस्पर्धा गर्नेछन् । आयोजक धनगढी क्रिकेट एकेडेमीका अध्यक्ष सुवास शाही र रुस्लान क्रिकेटका कानुन विभाग प्रमुख गुरू अधिकारीले बिहीबार सम्झैतापत्रमा हस्ताक्षर गरे। तथापि सम्झैता रकम भने खुलाइएको छैन ।

डिभोटी एसपिए कप र सगरमाथा सिमेन्ट धनगढी क्रिकेट लिगलाई मर्ज गरेर धनगढी प्रिमियर लिग बनाइएको हो। प्रतियोगितामा सिवाइसी अत्तरिया, विराटनगर किङ्स, काठमाडौं गोल्डेन्स, रूपन्देही च्यालेन्जर्स, कञ्चनपुर आइकोनिक र टिम चौराहा धनगढीले प्रतिस्पर्धा गर्नेछन्।

हस्ताक्षरपछि एकेडेमीका अध्यक्ष सुवास शाहीले आगामी संम्करणमा पनि रुस्लानको साथ पाउने विश्वास व्यक्त गरे । त्यस्तै, रुस्लानका कानुन विभाग अधिकारीले नेपाली खेलकुद विकासमा रुस्लानले महत्वपूर्ण सहयोग गरिरहेको भन्दै यस प्रतियोगितालाई पनि निरन्तर सहयोग गर्ने प्रतिबद्धता व्यक्त गरे।

Comments

comments